Ապրիլի 5-ին, ժամը 11.10-ին, ոստիկանության Կենտրոնական բաժնում 74-ամյա մի տղամարդ հաղորդում էր տվել: Մոտ կես ժամ առաջ նկատել էր, որ երթուղային ավտոբուսում իր գրպանից գողացել են բջջային հեռախոսը:

Ոստիկանությունից NEWS.am-ին հայտնում են, որ ոստիկանության Երևան քաղաքի վարչության քրեական հետախուզության բաժնի 6-րդ բաժանմունքի ծառայողները, որոնք մասնագիտացած են հենց գրպանահատության դեմ պայքարում, գործեցին ոչ միայն արագ, այլև արդյունավետ:

Ահազանգից հինգ րոպե անց Աբովյան փողոցում նրանք հայտնաբերեցին և, նշված գողությունը կատարելու կասկածանքով, բերման ենթարկեցին Կոնդի բնակիչ, 34-ամյա մի տղամարդու: Նա տվել է խոստովանական բացատրություն:

Գողոնը հայտնաբերվել և վերադարձվել է տիրոջը: Հանգամանքները քննությամբ պարզվում են։



Աղբյուր