Ռուսաստանի նախագահ Վլադիմիր Պուտինը հայտարարել է, որ Ռուսաստանը սովորություն չունի սպանել քաղաքական նկատառումներով: Այս մասին նա խոսել է NBC հեռուստաընկերությանը տված մեծ հարցազրույցում ՝ պատասխանելով լրագրողի համապատասխան հարցին, գրում է Kp.ru-ն:

«Իհարկե ոչ. Մենք չունենք ինչ-որ մեկին սպանելու այդպիսի սովորություն, սա՝ առաջին», — ասաց Ռուսաստանի ղեկավարը:

Իր հերթին, Պուտինը հարցրել է լրագրողին այն մասին, թե ով է պատվիրել կնոջ սպանությունը, որը Թրամփի կողմնակիցների ելույթների ընթացքում մուտք էր գործել Կոնգրեսի շենք և որին գնդակահարել էր ոստիկանը:

«Գիտե՞ք, որ ունեք 450 մարդ, որոնք ձերբակալվել են Կոնգրես մտնելուց հետո: Եվ նրանք չէին եկել այնտեղ համակարգիչ գողանալու, նրանք եկել էին քաղաքական պահանջներով: 450 մարդ ձերբակալվել է, նրանց 15-ից 25 տարի ազատազրկում է սպառնում, և նրանք եկել էին քաղաքական պահանջներով: Սա հետապնդում չէ՞ քաղաքական հայացքների համար», — նշել է Ռուսաստանի Դաշնության նախագահը:



Աղբյուր