Այսօր Քաբուլի ճանապարհներից մեկի եզրին տեղադրված ռումբի պայթյունի հետևանքով վթարվել է Աֆղանստանի կառավարության աշխատակիցներին տեղափոխող ավտոբուսը, զոհվել է 3 մարդ, ևս 11-ը՝ ստացել տարբեր աստիճանի մարմնական վնասվածքներ, գրում է Reuters-ը: Քաբուլի
ոստիկանության խոսնակը հաստատել է զոհերի թիվը, սակայն այլ մանրամասներ չի հաղորդել: Մեկ այլ պաշտոնյա ասել է, որ փոխադրամիջոցը տեղափոխել է Աֆղանստանի կառավարության աշխատակիցների: Նկատենք՝ ռմբակոծումը տեղի է ունենում այն օրը, երբ Աֆղանստանի
կառավարությունը, «Թալիբան» ահաբեկչական խմբավորումը և հիմնական երկրները, այդ թվում՝ ԱՄՆ-ն և Ռուսաստանը, հավաքվում են Մոսկվայում, որպեսզի քննարկեն երկրում բռնության դրսևորումների նվազեցման ուղերիներն ու առաջ մղեն Աֆղանստանի խաղաղության գործընթացը: Դեռևս ոչ մի խմբավորում չի ստանձնել ռմբակոծման պատասխանատվությունը: