Քոչարյանի առաջին մլրդը և Քըրքորյանի ուղարկված գումարները։ Հրապարակվել է Քըրքորյանի նամակը։ ՀՀ ազգային հերոս, բազմամիլիարդատեր Քըրք Քըրքորյանը իր գիտակից կյանքում իշտ նպատակ է ունեցել օգնել իր հայրենիքի՝ իր ուժերի ներածին չափով։ Նա ծնվել է ԱՄՆ Ֆրեզնո քաղաքում, ապրել և աշխատել ԱՄՆ-ում, սակայն իր կյանքում կուտակած կարողության մի հսկայական բաժին նվիրաբերել է Հայաստանի Հանրապետության բարգավաճմանը։ Սակայն, այդ նույն տարիների

ՀՀ իշխանության պարագլուխները նույն բարգավաճումը տեսնում էին այլ կերպ․ այն է՝ պետք է բարգավաճի միայն իրենց գրպանը, իսկ Հայ ժողովուրդը և Հայաստանը բաժին ստացավ միայն այդ կարողության մի չնչին մասը։ Խոսքը Քըրք Քըրքորյանի Լինսի հիմնադրամի մասին է, որը հիմնադրվել ՀՀ-ում հսկայածավալ շինարարական աշխատանքներ իրականացնելու նպատակով։ Ամերիկահայ բարերարի ներդրումները համընկան ՀՀ 2-րդ նախագահ Ռոբերտ Քոչարյանի իշխանության

տարիների հետ։ Քոչարյանը, օգտվելով իր պաշտոնական դիրքից և այն հանգամանքից, որ Քըրքորյանը անձամբ չէր վերահսկում իր հիմնադրամի գործունեությունը, ներդրումներից մի զգալի մասնաբաժին պարզապես վերցրեց և դրեց իր գրպանը։ Բարերարը, կասկածելով իր միջոցների նպատակային օգտագործմանը, ցանկացավ անձամբ տեսնել այն հաշվետվությունները և արդյունքը, որը ներկայացնում էր Քոչարյանը։ Նա ժամանեց Հայաստան, հանդիպեց Քոչարյանին, բացահայտեց այն

ամբողջ սոսկալի թալանը, որով զբաղված էր ՀՀ երկրորդ նախագահը։ Նույնիսկ լուրեր են պտտվում, որ նա թքել է Քոչարյանի ոտքերի առաջ և ասել․ <<Ես իմ ամբողջ կյանքն եմ ներդրել հայրենիքիս շենացման համար աշխատելուն, իսկ դու առանց ջանք գործադրելու մի քանի տարում փոշիացրիր այդ ամենը>>։ Նա ԱՄՆ վերադառնալուց անմիջապես հետո փակում է Լինսի հիմնադրամը, հետ կանչում հիմնադրամում առկա դրամական միջոցները, փակում բոլոր կիսատ մնացած նախագծերը։ Իսկ այսօր ԱՄՆ պետդեպարտամենտը հրապարակել է Քըրք Քըրքորյանի նամակը՝ ուղղված Ռ․ Քոչարյանին։ Ըստ

 

նրա կտակի, այդ նամակը պետք է հրապարկվեր իր մահից 5 տարի հետո։ Ռոբերտ, դու քո ոչնչություն տեսակովդ կարողացար ոչնչացնել ինձ։ Ինչպես հաջողվեց քեզ թալանել իմ կյանքի աշխատանքը։ Այդ ամենը ստեղծել էի իմ քրտինքով՝ հայրենիքիս նվիրաբերելու գերագույն նպատակով։ Դու ոչ ոք ես, դու չես տարբերվում Թալեաթից ու Էնվերից։ Ինչպես ես կարողանում երկրագնդի վրա ապրել, ինչպես ես

կարողանում շնչել իմ հայրենիքիս օդը։ Ես չեմ պահանջում թալանածդ հետ վերադարձնես, միայն ցանկանում եմ, որ այն լինի քո և քո ընտանիքի համար դժբախտություն ծնող։ Դու դրան ես արժանի։ Ես քեզ վստահել էի իմ ամենաթանկի՝ իմ հայրենիքի զարգացումն ու բարգավաճումը։ Ռոբերտ դու ոչ ոք ես։ Լքի՛ր իմ հայրենիքը և մի շնչիր իմ երկրի օդը։ Այսպես, ներկայացնում ենք հրապարակված նամակի հայերեն տարբերակը։
Aida Avdalyan