Google Earth-ը նոր գործառույթ է ավելացնում, որպեսզի ցույց տա կլիմայի փոփոխության ազդեցությունը

Google Earth հավելվածը տեսանյութի նոր գործառույթ է ավելացնում՝ հիմնված արբանյակային պատկերների վրա, որպեսզի ցուցադրի, թե ինչպես է կլիմայի փոփոխությունն ազդել ամբողջ աշխարհի սառցադաշտերի, լողափերի, անտառների եւ այլ վայրերի վրա:

Գործառույթը գործարկվել է վերջին հինգ տարվա ընթացքում Google Earth ամենամեծ թարմացման շրջանակներում: Google-ն ասում է, որ բարդ նախագիծն իրականացնելիս համագործակցել է մի շարք պետական գործակալությունների, այդ թվում` ՆԱՍԱ-ի եւ նրա եվրոպական անալոգի հետ՝ հուսալով, որ Google Earth անվճար հավելվածի միջոցով հիմնական լսարանին կօգնի կլիմայի փոփոխության երբեմն վերացական գաղափարը ավելի շոշափելի իմաստով հասկանալ:

Գործառույթը ներառում է նաեւ պատմելու ռեժիմ, որն ընդգծում է 800 տարբեր վայրեր մոլորակի վրա՝ 2D եւ 3D ձեւաչափերով: Այս տեսանյութերը հասանելի կլինեն նաեւ YouTube-ում Google-ի վիդեոկայքում: Գործառույթը ստեղծվել է 24 միլիոն արբանյակային պատկերներից, որոնք արվել են ամեն տարի 1984-2020 թվականներին եւ տրամադրվել են ՆԱՍԱ-ի, ԱՄՆ երկրաբանական ծառայության եւ Եվրամիության կողմից: Կադրերով նկարահանման տեխնոլոգիան ստեղծվել է Քարնեգի-Մելլոնի համալսարանի օգնությամբ:

Google-ը նախատեսում է կադրերով տեսանյութերն առնվազն տարին մեկ թարմացնել: