Պետերբուրգի ոստիկանությունը տաք հետքերով բացահայտել է հրաձգությամբ խուլիգանությունը, հաղորդում է «Ինտերֆաքս»-ը՝ հղում անելով ՆԳՆ տարածաշրջանային գլխավոր վարչության մամուլի ծառայությանը:

Վարչության տվյալներով՝ ապրիլի 10-ի գիշերը Եֆիմովի փողոցի առեւտրի համալիրի մոտ ոչ սլավոնական արտաքինով մի խումբ տղամարդիկ հրաձգության միջոցով հարաբերություններ էին պարզում: Ոստիկանության բաժին են տեղափոխվել Միջին Ասիայի երկրներից տասնյակ քաղաքացիներ եւ ծագումով հյուսիսկովկասյան հանրապետության քաղաքացի:

Նրանցից մեկին տեղափոխել են հիվանդանոց հրազենային վիրավորմամբ, որը տղամարդը կարող էր ստանալ բախման ընթացքում: Ավելի վաղ ինքնուրույն հիվանդանոց է դիմել վիճաբանության եւս մեկ ենթադրյալ մասնակից բազմաթիվ վնասվածքներով՝ ստացված կտրող-ծակող գործիքով: Նա հրաժարվել է ցուցմունք տալ վնասվածքները ստանալու մասին, ասել են ՆԳՆ-ում:

Հարուցվել է քրեական գործ խուլիգանության հատկանիշներով: Ոստիկանություն տեղափոխված տասը քաղաքացիներից չորսը ձերբակալվել է, ներկայում որոշվում է եւս երկու մարդու նկատմամբ խափանման միջոցի ընտրության հարցը: Մնացածները հարցաքննվել են եւ ազատ արձակվել, հավելել են մամուլի ծառայությունից:

Դեպքի մասին իրավապահ մարմիններին հայտնել են մի քանի ականատեսներ: Դեպքի վայրում ոստիկանները հայտնաբերել են պարկուճներ եւ ռետինե փամփուշտներ:



Աղբյուր