[ad_1]
Վենեսուելական ուժերը մեքսիկական «Սինալոա» նարկոկարտելի անդամների են ձերբակալել Կոլումբիայի հետ իր արեւմտյան սահմանի մոտ զինված խմբավորումների հետ բախումների ժամանակ, հաղորդում է Reuters-ը՝ վկայակոչելով Վենեսուելայի բարձրաստիճան ռազմական աղբյուրը:
Մարտի 21-ին վենեսուելացի զինվորականները հարձակողական գործողություններ են սկսել կոլումբիական անկանոն զինված խմբավորումների դեմ արեւմտյան Ապուրե նահանգում: Օպերացիաների արդյունքում Վենեսուելայի շուրջ ութ զինվորական է զոհվել, շուրջ 5000 մարդ փախել է սահմանից այն կողմ:
«Մենք նույնիսկ մի քանի մարդ ենք ձերբակալել «Սինալոա» նարկոկարտելից»,- հայտարարել է Վենեսուելայի ռազմավարական օպերատիվ հրամանատարության պետ Ռեմիջիո Սեբալոսը:
Ընդ որում, նա չի նշել ոչ ձերբակալվածների անունները, ոչ էլ կարտելի ձերբակալված անդամների թիվը: Նա ասել է, որ բերման են ենթարկվել նաեւ Բրազիլիայից որոշ մարդիկ, եւ հայտարարել է, որ նրանք բոլորը պատասխանատվության կենթարկվեն:
Հայտնի է, որ մարտական գործողությունները տեղի են ունեցել սահմանամերձ Լա Վիկտորիա քաղաքի մոտակայքում, որը գտնվում է Վենեսուելայի մայրաքաղաք Կարակասից մոտ 628 կմ հարավ-արեւմուտք: