[ad_1]
ԱՄՆ Կալիֆոռնիա նահանգում տղամարդն այցելել է տեղի կալվածքներից մեկը, որպեսզի վինտաժային մոտոցիկլետներ ուսումնասիրի, սակայն փոխարենը 1955 թվականի արտադրության կարմիր Porsche 550 Spyder մակնիշի մեքենա է հայտնաբերել, որը 35 տարի կանգնած է մնացել փակ բեռնարկղում:
Ինչպես հաղորդում է Motor.ru-ն, հայտնագործությունն արել է Ռոբերտ Գրին անունով ամերիկացին, որը հայտնի է հազվագյուտ մոտոցիկլետների իր հավաքածուով:
Երկտեղանի սպորտային մեքենան 69-րդն է եղել տվյալ մոդելային շարքում: Երեք տարում գերմանական ընկերությունն ընդանենը 90 Porsche 550 Spyder մոդել է հավաքել: Մեքենայի առաջին սեփականատերը Հավայների բնակչուհի է եղել, որը մեքենան օգտագործել է սիրողական մրցարշավների ժամանակ:
1963-ին մեքենան 2000 դոլարով ձեռք է բերել Լես Գեներսոն անունով տղամարդը, որը 80-ականներին մեքենայի ամբողջական վերանորոգում է կատարել: Որոշ ժամանակ անց մեքենայի տերը տարվել է մոտոցիկլետներ հավաքելով և մեքենան թաքցրել է բեռնարկղում:
Նշվում որ, չնայած երկար ժամանակ կանգնած մնալուն՝ Porsche 550 Spyder պահպանել է գերազանցությունը: Սպորտքարի թափքին ժանգոտման հետք անգամ չկա: Մեքենան շարժման մեջ է գցում 1.5 լիտր ծավալային շարժիչը՝ 135 ձիաուժ հզորությամբ: Առավելագույն արագությունը կազմում է 220 կմ/ժամ:
Ռոբերտ Գրինը հայտնաբերված Porsche-ն անվանել է «դարի հայտնագործություն» և արդեն հասցրել է նոր տեր գտնել մեքենայի համար, սակայն վաճառքի գինը չի բացահայտել:
