[ad_1]
Ռումինիայում կորոնավիրուսի տարածման դեմ պայքարելու նպատակով սահմանված սահմանափակումների խստացման դեմ արդեն երեք օր բողոքի զանգվածային ակցիաներ են անցկացվում, հաղորդում է ТАСС-ը:
Ցուցարարները հավաքվել են Բուխարեստի Համալսարանական հրապարակում և այնտեղից երթ իրանացրել: Մասնակիցների մեծ մասը պաշտպանիչ դիմակներ չի կրել ու հեռավորություն միմյանցից չեն պահպանել:
Ըստ ԶԼՄ հրապարակումների՝ երթին մոտ 2000 մարդ է մասնակցել: Վարկածներ են երկրում շրջանառվում, որ բողոքի ակցիաները քաղաքական որոշ ուժերի կողմից են հրահրվում:
Ռումինիայի իշխանությունները խստացրել են հակակորոնավիրուսային սահմանափակումները: Մասնավորապես, հանգստյան օրերին երեկոյան 20:00-ից պարետային ժամ է գործում, կրճատվել են խանութների աշխատանքային ժամերը: