Հանգստյան օրերի պարետային ժամը վերականգնվում է Թուրքիայի նահանգների մեծ մասում: Այս մասին Թուրքիայի կառավարության նիստից հետո հայտարարել է երկրի նախագահ Ռեջեփ Թայիփ Էրդողանը, գրում է «Անադոլու» գործակալությունը:

Ըստ Թուրքիայի առողջապահության նախարարության տվյալների՝ շաբաթ կորոնավիրուսային վարակի հայտնաբերված դեպքերի թիվը կազմել է 30 021, սա դեպքերի առավելագույն թիվն է դեկտեմբերի սկզբից:

«Կորոնավիրուսի պատճառով մահվան դեպքերի աճը մեզ ստիպել է վերանայել առկա անվտանգության միջոցները: 58 նահանգ, որտեղ բնակվում է մեր երկրի բնակչության 80% -ը, կրկին դարձել են բարձր ռիսկային շրջաններ: Դրանցում նորից պարետային ժամ է սահմանվում շաբաթ և կիրակի օրերին: Շաբաթվա օրերին երեկոյան 21-ից առավոտյան 5-ը առկա պարետային ժամը պահպանվում է ամբողջ երկրում»,-լրագրողներին ասել է Էրդողանը: Բարձր ռիսկային գոտում ընդգրկված են Ստամբուլը, Անկարան, Անթալիան, Իզմիրը և Թուրքիայի այլ նահանգներ: Ցածր և միջին ռիսկային գոտում գտնվում են մի քանի նահանգներ երկրի հարավ-արևելքում:

Էրդողանը հավելել է, որ սրճարաններն ու ռեստորանները կկարողանան շարունակել աշխատանքը`այցելուների ոչ ավելի, քան 50% -ով: Պարետային ժամի ընթացքում դրանք կարող են գործել միայն սննդի դուրսբերման տարբերակով:



Աղբյուր