[ad_1]
Եվրամիությունը, այս շաբաթ կայանալիք գագաթնաժողովին ընդառաջ, քննարկում է Թուրքիայի զբոսաշրջության ոլորտի նկատմամբ կիրառվելիք հնարավոր պատժամիջոցները, հայտնում է euobserver— ը` ԵՄ արտաքին ռազմավարության զեկույցին հղումով:
Լրատվականի տվյալների համաձայն ԵՄ–ն քննարկում է պատժամիջոցների լայն շրջանակ, որոնք ուղղված կլինեն Թուրքիայի տնտեսության կարևոր ոլորտներին, որոնց թվում է զբոսաշրջությունը։ Այս ոլորտն առանց այդ էլ տուժել է կորոնավիրուսային համավարակի պատճառով։
Քննարկվող այլ միջոցառումների թվում են Եվրոպական ներդրումային մարմնի կողմից վարկերի տրամադրման սահմանափակումն ու հնարավոր պատժամիջոցներն էներգետիկ ոլորտի ֆիզիկական անձանց նկատմամբ, մասնավորապես նրանց, ովքեր մասնակցում են հորատման աշխատանքներին Միջերկրական ծովի արևելյան հատվածի վիճելի տարածքներում:
Միակ բանը որ քննարկման ենթակա չի զեկույցում, 2016 թվականին ստորագրված փաստաթուղթն է, որով Ֆինանսական աջակցություն է տրամադրվում Թուրքիային՝ սիրիացի փախստականներին իր տարածքում պահելու պայմանով: Գործարքի ժամկետն ավարտվել է դեկտեմբերին, սակայն եվրոպական առաջնորդները ցանկանում են երկարաձգել այն` ներգաղթյալների շարժը դեպի եվրոպական սահմաններ կանխելու համար:
Ներկայում Թուրքիայի տարածքում չորս միլիոն սիրիացի փախստական կա:
Լրատվականը նշել է, որ ԵՄ գագաթնաժողովը նախատեսվում է անցկացնել հինգշաբթի: