«Երեխաներս չէին հավատում, երբ ասացի՝ մուլտֆիլմի հերոսի եմ հնչյունավորելու»․ Քիմ Քարդաշյանը ներկայացրել է իր մասնակցությամբ մուլտֆիլմի թիզեր-թրեյլերը (լուսանկարներ, տեսանյութ) — Լուրեր Հայաստանից

Keeping Up With the Kardashians իրապատում շոուի հայազգի աստղ Քիմ Քարդաշյանը նախօրեին մասնակցել է Kids’ Choice Awards-2021 մրցանակաբաշխությունը։

Դեռևս 2020-ի հոկտեմբերին իրապատում շոուի աստղը հայտնել էր, որ Paw Patrol: The Movie մուլտֆիլմում հնչյունավորելու է հերոսներից մեկին, իսկ նախօրեին դերասաններ Թայլոր Փերիի, Յարա Շահիդիի և Մարսել Մարտինի հետ ներկայացրել է առաջիկա մուլտֆիլմի թիզեր-թրեյլերը, գրում է Daily Mail-ը։

«Մուլտֆիլմի վրա աշխատելիս մենք այդքան լավ ժամանակ ենք անցկացրել։ Երեխանես չէին հավատում, երբ ասացի՝ մուլտֆիլմի հերոսի եմ հնչյունավորելու»,- խոստովանել է 40-ամյա Քարդաշյանը։

Նշենք, որ Քարդաշյանն ունի չորս երեխա ՝ 7-ամյա Նորթը, 5-ամյա Սեյնթը, 3-ամյա Չիկագոն և 1-ամյա Փսալմը։