[ad_1]

Նորվեգիան և Իսլանդիան, հետևելով Դանիայի օրինակին, ժամանակավորապես կասեցրել են AstraZeneca հակակորոնավիրուսային պատվաստանյութի օգտագործումը՝ թրոմբի առաջացման վտանգի պատճառով, գրում է euractiv.com-ը:

Սկանդինավյան երկրների իշխանություններն ընդգծել են, որ չնայած՝ պատվաստանյութի հետևանքով կողմնակի ազդեցություններ դեպքեր չեն նկատվել, այնուամենայնիվ, դեղամիջոցի օգտագործման կասեցումը պայմանավորված է Դանիայից ստացված տեղեկատվությամբ: 

Բացի այդ, երկրների իշխանությունները նշել են՝ դեռևս թրոմբի առաջացման և պատվաստումների միջև ուղղակի կապ հաստատված չէ: Դեղերի եվրոպական գործակալությունը հայտնել է, որ կուսումնասիրի փաստը, բայց շեշտել է, որ պատվաստանյութի օգուտները, այնուամենայնիվ, գերազանցում են ռիսկերը:

Ինչպես ավելի վաղ տեղակցրել էր Tert.am-ը, Դանիայի իշխանությունները նախօրեին դադարեցրել էին AstraZeneca հակակորոնավիրուսային պատվաստանյութի օգտագործումը պատվաստումներից հետո հնարավոր թրոմբի առաջացման պատճառով: 

Ներկայում AstraZeneca-ով պատվաստվել է մոտ հինգ միլիոն եվրոպացի: Թրոմբի առաջացումը  է նկատվել դրանցից 30 դեպքում:

Հիշեցնենք՝ ներկայում ԵՄ շուկայում թույլատրվում են Pfizer/BioNTech (գնվել է շուրջ 600 միլիոն դեղաչափ), Moderna (գնվել է 160 միլիոն դեղաչափ) և AstraZeneca (գնվել է մոտ 400 միլիոն դեղաչափ) ընկերությունների կողմից արտադրված պատվաստանյութերը: Բացի այդ, Եվրոպական հանձանաժողովը ԵՄ-ին պատվաստանյութեր մատակարարելու առնչությամբ պայմանագրեր է կնքել Johnson & Johnson, Sanofi-GSK, CureVac ընկերությունների հետ:

Ռուսաստանի առողջապահության նախարարությունն օգոստոսին գրանցել էր կորոնավիրուսի դեմ աշխարհում առաջին պատվաստանյութը, որը մշակվել Է Գամալեայի անվան համաճարակաբանության և մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի հետ համատեղ: Այն ստեղծվել Է մարդու ադենովիրուսային վեկտորների բազայի վրա և ստացել Է «Սպուտնիկ V» անվանումը: Այն լուծույթ Է՝ միջմկանային ներարկման համար:

 



Աղբյուր