[ad_1]
Լիտվայի Պանևեզիս քաղաքում Pfizer-BioNTech պատվաստանյութ ստանալուց հետո 80-ամյա կին է մահացել: Կինը սկսել է շնչահեղձ լինել, դեպքի վայր է ժամանել շտապօգնության մեքենան, սակայն հնարավոր չի եղել փրկել կնոջը:
Այս մասին հայտնում է korrespondent.net–ը` հղում տալով «Ռադիո Լիտվա»–ին: Ռադիոն տեղեկացրել է, որ նախկինում կնոջը փոխպատվաստվել է սրտամկանի աշխատանքը խթանող սարք:
Քաղաքի շտապօգնության կենտրոնի տնօրեն Ռուտա Ռամոշկենեի խոսքով` պատվաստումից հետո կինը բողոքել է՝ ասելով, որ շնչահեղձ է լինում, սակայն բժիշկներին չի հաջողվել փրկել նրա կյանքը։
«Կարծում եմ՝ նա սթրես ուներ և առողջական խնդիրներ նույնպես կային», — ասել է Ռամոշկենեն:
Korrespondent.net–ը հիշեցրել է, որ Լիտվայում կորոնավիրուսային վարակի նոր դեպքերի թիվն աճում է: Երկրի վիճակագրության վարչությունը հայտարարել է կորոնավիրուսային համաճարակի երրորդ ալիքի սկիզբը: