[ad_1]
Կորոնավիրուսի դեմ պատվաստված ամերիկացիները կարող են նույն սենյակում լինել պատվաստված այլ մարդկանց հետ` առանց դիմակ կրելու եւ առանց սոցիալական հեռավորության կանոնների պահպանման: Այս մասին հայտարարել է ԱՄՆ հիվանդությունների վերահսկման եւ կանխարգելման կենտրոնը՝ ներկայացնելով նոր առաջարկություններ:
Առաջարկությունները նախատեսված են բավարարելու աճող պահանջարկը, քանի որ ավելի շատ մեծահասակ ամերիկացիներ են պատվաստվում եւ մտածում, թե արդյո՞ք դա իրենց ավելի շատ ազատություն է տալիս ընտանիքի անդամներին այցելելու, ճանապարհորդելու կամ այլ բաներ անելու համար, ինչ նրանք անում էին համավարակից առաջ:
«Մենք գիտենք, որ մարդիկ ցանկանում են պատվաստվել, որպեսզի կարողանան վերադառնալ իրենց սիրած մարդկանց հետ իրենց հաճույք պատճառող գործողություններին»,- ասել է CDC տնօրեն դոկտոր Ռոշել Վալենսկին:
CDC-ն շարունակում է խորհուրդ տալ, որ պատվաստված մարդիկ շարունակեն դիմակներ կրել, խուսափեն մարդկանց կուտակումներից եւ հասարակության մեջ ֆիզիկապես հեռու մնան մյուսներից: CDC-ն նաեւ խորհուրդ է տվել պատվաստված մարդկանց թեստ անցնել, եթե նրանց մոտ ախտանշաններ են առաջանում, որոնք կարող են կապված լինել COVID-19-ի հետ: