Ռուսաստանի ԱԳՆ-ն հրապարակել է ԱՄՆ-ի պատժամիջոցներին պատասխան միջոցների ցանկը: Այս մասին տեղեկանում ենք ՌԴ ԱԳ նախարարության տարածած հայտարարությունից: «ԱՄՆ նախագահ Ջո Բայդենի վարչակազմի կողմից ձեռնարկված մեր երկրի դեմ հերթական հարձակումը, բնականաբար, չի կարող անպատասխան մնալ»,- հայտնում են ՌԴ ԱԳՆ-ից՝ կից ներկայացնելով ԱՄՆ-ի պատժամիջոցներին պատասխան միջոցների ցանկը։
Դիտեք նաև այս անչափ հուզիչ տեսանյութը, որտեղ փոքրիկը այցելելով հոր գերեզմանին սկսեց ասմունքել․․
— Փոխադարձության հիման վրա կհետևի ԱՄՆ դիվանագիտական առաքելությունների աշխատակիցների արտաքսումը այն քանակով, որը համարժեք է ամերիկյան իշխանությունների կողմից ռուս դիվանագետների դեմ իրականացված ակցիային։
— Սահմանափակվում է Պետդեպարտամենտի գծով ԱՄՆ դեսպանատան կողմից կարճաժամկետ գործուղվող դիվանագիտական ներկայացուցչությունների գործարկման պրակտիկան՝ դիվանագիտական ներկայացուցչությունների գործունեությունն ապահովելու համար։ Նրանց համապատասխան վիզաների տրամադրումը նվազագույնի կհասցվի՝ տարեկան մինչև 10 անձ փոխադարձության հիման վրա։
— Դիվանագիտական հարաբերությունների մասին Վիեննայի կոնվենցիաներին և Ռուսաստանի օրենսդրությանը, ներառյալ աշխատանքային օրենսգիրքը, խիստ համապատասխան միջոցներ կձեռնարկվեն Ռուսաստանի Դաշնության և երրորդ երկրների քաղաքացիների թվից ԱՄՆ-ի դիվանագիտական առաքելությունների կողմից վարչատեխնիկական աշխատողների վարձման պրակտիկայի լիակատար դադարեցման ուղղությամբ:
— ԱՄՆ դիվանագիտական ներկայացուցչությունների աշխատակիցների կողմից Ռուսաստանի Դաշնության տարածքով ուղևորությունների իրականացման կանոնների պարբերաբար խախտումների պատճառով դադարեցվում է 1992թ. երկկողմ հուշագրի գործողությունը:
— Նկատի է առնվում Ռուսաստանի Դաշնությունում դադարեցնել ամերիկյան հիմնադրամների և հասարակական կազմակերպությունների գործունեությունը, որոնք վերահսկվում են Պետդեպարտամենտի և ամերիկյան այլ պետական կառույցների կողմից: Այս աշխատանքը, որը տարվում է վաղուց և համակարգված, ավարտին կհասցվի, հատկապես այն ֆոնին, որ ԱՄՆ-ը մտադիր չԷ կրճատել իր քայքայիչ ջանքերի ծավալը, որոնք իրականացվում են համակարգային կերպով՝ հենվելով ճյուղավորված օրենսդրական բազայի վրա:
— Ակնհայտ է, որ ստեղծված ծայրահեղ լարված իրավիճակից բխում է օբյեկտիվ անհրաժեշտություն, որպեսզի մեր երկու երկրների դեսպանները գտնվեն իրենց մայրաքաղաքներում՝ իրավիճակը վերլուծելու և խորհրդակցություններ անցկացնելու համար։
Post Views:
0