infolive
Քիչ առաջ ՀՀ վարչապետ Նիկոլ Փաշինյանը ֆեյսբուքյան իր էջով տեղեկացրել էր.
«Ժամանեցի Հռոմ։ Հանդիպում եմ Իտալիայի Սենատի նախագահ Մարիա Էլիզաբետա Կազելատիի հետ»։
Տեսանյութը սկզբից ուշադիր նայելու դեպքում կարելի է նկատել, որ ինչ-որ բան այն չէ. Փաշինյանը, մեջքով շրջված Իտալիայի Սենատի նախագահ Մարիա Էլիզաբետա Կազելատիին՝ առաջ է քայլում, և Սենատի նախագահը անհասկանալի, անհարմար իրավիճակում է հայտնվում։
Մեր աղբյուրները պատմում են, որ Սենատի նախագահի հետ հանդիպմանն, ըստ արարողակարգի, վարչապետ Նիկոլ Փաշինյանին փոքր-ինչ շուտ են ուղեկցել Սենատ։Փաշինյանը սպասել է Մարիա Էլիզաբետա Կազելատիին, որպեսզի նա մոտենա և հանդիպումը սկսվի։
Այդ ընթացքում Փաշինյանը դժգոհել է, թե ինչու են իրեն րոպեներ շուտ բերել Սենատ, և ինչո՞ւ պետք է նա սպասի։ Եվ երբ Իտալիայի Սենատի նախագահը մոտեցել է, Փաշինյանը շրջվել է մեջքով նրան և առաջ է քայլել՝ անհարմար իրավիճակ ստեղծելով։
Հ.Գ. Մինչ փորձում էինք նյութը տեղադրել, պարզվեց, որ Նիկոլ Փաշինյանը ֆեյսբուքյան էջից հեռացրել է այդ տեսանյութը, որի փոխարեն բացվում է այս էջը:
