Մումիաների երթ. Եգիպտոսը պատրաստվում է փարավոնների շքերթին

02.04.2021

[ad_1]

Կահիրեում տեղի կունենա հին եգիպտական թագավորական 22 մումիաների շքերթ, որից հետո աճյունները կտեղափոխվեն նոր հանգստավայր, հայտնում է AFP-ն: Եգիպտոսը պատրաստվում է իր տեսակի մեջ առաջին «Փարավոնների ոսկե շքերթին», որի ընթացքում 18 թագավորների եւ չորս թագուհիների աճյունները ըստ կարգի կտեղափոխվեն մայրաքաղաքի փողոցներով՝ սկսած հնագույնից:

Յուրաքանչյուր մումիա կցուցադրվի առանձին հարթակում՝ զարդարված հին եգիպտական ոճով: Բոլոր հարթակները հագեցած կլինեն ամորտիզատորներով, որպեսզի Կահիրեով անցնող 40 րոպեանոց ճանապարհորդության ընթացքում «թանկարժեք բեռներից» ոչ մեկին անհավասար ճանապարհները պատահաբար անհանգստություն չպատճառեն: Մումիաների երթը Թահրիր հրապարակում գտնվող Եգիպտական թանգարանից կուղեւորվի դեպի Ֆուստատում գտնվող Եգիպտական քաղաքակրթության ազգային թանգարան (NMEC)՝ հրավառությունների եւ պատվո համազարկերի ներքո:

Մայրաքաղաքի հարավում գտնվող նոր թանգարանը 2017-ին իր դռներն է բացել սահմանափակ ցուցանմուշների առջեւ եւ ամբողջովին կբացվի կիրակի օրը, բայց մումիաները հանրային ցուցադրության կհանվեն ապրիլի 18-ից: Ազգային թանգարան հասնելուն պես աճյունները կզբաղեցնեն «փոքր-ինչ բարելավված մասնաշենքեր»,- ասել է Կահիրեի Ամերիկյան համալսարանի եգիպտաբանության պրոֆեսոր Սալիմա Իքրամը: «Ջերմաստիճանի եւ խոնավության վերահսկումը ավելի լավ կլինի, քան հին թանգարանում»,- հավելել է Իքրամը:



Աղբյուր

Previous Story

Ֆրանսիայում վերջին մեկ օրում կորոնավիրուսով վարակման ավելի քան 50 000 նոր դեպք է գրանցվել. RT — Լուրեր Հայաստանից

Next Story

Մեծ Բրիտանիայում «AstraZeneca» պատվաստանյութի կիրառումից հետո 30 մարդու մոտ թրոմբ է ախտորոշվել — Լուրեր Հայաստանից

Go toTop