Իսպանիայի հարավում հին հռոմեական շքեղ վիլլա են գտել՝ վիթխարի խճանկարով

Իսպանիայի հարավի հողը նախկինի պես մեծ թվով զարմանալի արտեֆակտներ է պահպանում: Դրանց թվում է հռոմեական շրջանի գերազանց պահպանված խճանկարը, փոխանցում է Planet- today-ը: 

Հնագետները Իսպանիայի հարավում սկզբում գտել էին միայն խճանկարի մասերը: Նրանց կարծիքով՝ այնտեղ կարող էր գտնվել հռոմեական շրջանի մեծ բնակավայր: Սակայն դա հաստատող փաստագրություն չկա: Էլ Ալտիլյո վայրի պեղումներով սկսել են զբաղվել Խաենսի համալսարանի իսպանացի գիտնականները:

Մեծածավալ աշխատանքների արդյունքում փորձագետներին հաջողվել է հայտնաբերել հռոմեական շքեղ վիլլա: Ըստ մասնագետների՝ այն կառուցվել է մ.թ. IV դարում: Սակայն հնարավոր է, որ զգալիորեն ավելի հին է: Ենթադրաբար, մարդիկ այս վայրում մշտապես բնակվել են մ.թ. I — V դարերում:

Տան ներսում հայտնաբերվել է հատակի վիթխարի խճանկարը՝ 9 մ լայնությամբ եւ 18 մ երկարությամբ: Զարդանախշերը կազմված են երկրաչափական եւ միմյանց միաձուլվող ալիքաձեւ նախշերով: Այս խճանկարը ամենախոշորն է Իսպանիայի հարավում հայտնաբերված բոլորից:

Գիտնականները շքեղ բնակարանից ոչ հեռու հայտնաբերել են նաեւ հին գերեզմանատեղի, բրուտի վառարան՝ սալը թրծելու համար եւ ջրաղաց՝ ձիթապտղի յուղ պատրաստելու համար: