infolive [ad_1]
YouTube պլատֆորմը սկսել է տեսանյութում ապրանքի ավտոմատ ճանաչման գործառույթի թեստավորումը: Նոր ալգորիթմն արդեն փորձարկվում է սերվիսի՝ ԱՄՆ-ից օգտատերերի շրջանում:
The Verge պարբերականը գրում է, որ YouTube-ն այս գործառույթի մշակումը սկսել էր անցյալ տարի. այդ նույն ժամանակ սկսվել էին փորձարկումները սահմանափակ թվով օգտատերերի շրջանում: Այժմ նոր գործառույթը փորձարկվում է ավելի մեծ լսարանի վրա. սերվիսը սովորել է ճանաչել տեսանյութերում ցուցադրվող ապրանքները, ինչպես նաեւ նմանատիպ ապրանքներ որոնել եւ առաջարկել դրանց հղումները:
«Մենք շարունակում ենք փորձարկել նոր գործառույթը, որը թույլ կտա արտադրանքը ցուցադրել տեսանյութում եւ նաեւ նմանատիպ ապրանքների ցանկ կառաջարկի: Ապրանքները կհայտնվեն առաջարկվող տեսանյութերի արանքում, երբ օգտատերը դիտում է փլեյերի ժապավենը: Մեր նպատակն է հեշտացնել ապրանքների որոնումը, որոնք մարդիկ տեսնում են YouTube-ի տեսանյութերում»,- հայտարարել են նոր գործառույթի մշակողները:
Ենթադրվում է, որ նոր ալգորիթմը թույլ կտա ավելի սերտ կապել YouTube-ի տեսանյութերն e-commerce գործառույթների հետ: Մշակողները, սակայն, դեռ մանրամասներ չեն հայտնում նոր ալգորիթմի ապագա ճակատագրի եւ մանետիզացման վերաբերյալ: Նշենք, որ նմանատիպ լուծումներ ստեղծվում են նաեւ այլ ընկերությունների կողմից. օրինակ, e-commerce գործառույթներն ակտիվորեն զարգացնում է Facebook-ը, որը 2020 թվականին իր բջջային հավելվածում ավելացրել էր Store ներդիրը:
