Մարտի 1-ին հանրահավաքի մասնակիցներին տեղափոխած «Բուս Վոյաժ» ՍՊԸ-ի հիմնադիրը Նոր Նորք վարչական շրջանի ղեկավարն է.Tert.am

23.03.2021

[ad_1]

Մարտի 1-ին Նիկոլ Փաշինյանի հրավիրած հանրահավաքին Հայաստանի տարբեր մարզերից մի քանի տասնյակ ավտոբուսներով եւ միկրոավտոբուսներով քաղաքացիներին տեղափոխել են Երեւան: Տեղափոխումն ապահովել է հիմնականում «Բուս Վոյաժ» ընկերությունը, որը 2005 թվականին հիմնել է ներկայում Նոր Նորք վարչական շրջանի ղեկավար Հովհաննես Մանուկյանը: Այս մասին գրում է Tert.am–ը։

Կայքը պարզել է, որ 2019 թվականին ստանձնելով մեկ այլ վարչական շրջանի՝ Նորք Մարաշի ղեկավարի պաշտոնը` Մանուկյանը տարիների իր բիզնեսի կառավարումը վստահել է քրոջ որդուն՝ Արթուր Աբգարյանին:

Tert.am-ի հետ զրույցում վերջինս նշել է, որ իրենց ընկերության համար տարբերություն չկա, թե ում համար են ծառայություն մատուցում, «Բուս վոյաժ» ՍՊԸ իր ընթացիկ աշխատանքն է կատարել մարտի 1-ին: Ավտոբուսների վարձակալության պատվերները ստացել են անհատներից, բայց հաշիվ- ապրանքագրեր հրաժարվեց տրամադրել:

Պատասխանելով կայքի  հարցմանը՝ Արթուր Աբգարյանը նաեւ նշել է, որ Երեւանի քաղաքապետարանի հետ վերջին 3 տարում որեւէ պայմանագիր չունեն կնքած, մասնակցել են հայտարարված մրցույթների, բայց դրամաշնորհ չեն շահել, այնինչ «Բուս Վոյաժ» ընկերությունը 2020 թվականի մարտին Երեւանի քաղաքապետարանի հետ 1,960,670 դրամ ընդհանուր արժողությամբ պայմանագրեր ունի կնքած, որոնք տեղադրված են www.yerevan.am կայքէջում:



Աղբյուր

Previous Story

ՊՆ-ն հայտնում է․ տեսեք ինչ է կատարվում և ինչ իրավիճակ է հայ-ադրբեջանական սահմանին. —

Next Story

ՆԱՏՕ-ն Ռուսաստանի գործողությունները սպառնալիք է անվանել — Լուրեր Հայաստանից

Go toTop