Կամբոջայի մայրաքաղաքի շքեղ հյուրանոցը վերածվել է կորոնավիրուսի բուժման համար հիվանդանոցի

09.03.2021

[ad_1]

Կամբոջայի մայրաքաղաքում գտնվող շքեղ հյուրանոցը վերածվել է կորոնավիրուսի բուժման համար 500 հիվանդասենյակներով հիվանդանոցի: Great Duke Phnom Penh հյուրանոցը երկու տարվա ընթացքում փակվել է եւ այժմ Կամբոջայում համավարակի երրորդ ալիքի ֆոնին վերածվել է վիրուսով հիվանդներին բուժելու համար հիվանդանոցի, հայտնում է AP-ն:

Վարչապետ Հուն Սենը իր ավագ որդի եւ բանակի հրամանատար Հուն Մանեին հանձնարարել է ղեկավարել հյուրանոցը ժամանակավոր հիվանդանոցի վերածելու երկօրյա ջանքերը:

Հյուրանոցն այժմ պատկանում է չինացի մի գործարարի: Անհասկանալի է, թե ինչու է փակվել էլիտար հյուրանոցը: Գտնվելով Պնոմպենի կենտրոնում եւ լինելով բավական բարեկարգ վիճակում՝ հյուրանոցը լավ հայտնի էր 2000-ականներին եւ օտարերկրացիների շրջանում սիրված վայր էր:

Ուրբաթ օրը Կամբոջայի կառավարությունն ընդունել է օրենք, որը թույլ է տալիս քրեական պատիժներ, ներառյալ տուգանքներ եւ ազատազրկում՝ վիրուսի տարածումը կանխելու համար առողջապահական միջոցառումները խախտելու համար:

Օրինակ՝ նոր օրենքի համաձայն, վիրուսի կանխամտածված տարածումը պատժվում է մինչեւ 10 տարվա ազատազրկմամբ, կամ մինչեւ 20 տարվա, եթե հանցագործությունը կատարել է կազմակերպված խումբ: Օրենքը ներառում է նաեւ վարչական միջոցներ, ինչպիսիք են ուղեւորությունների, հավաքների եւ  «վարչական ու այլ արգելքների միջոցները, որոնք անհրաժեշտ են COVID-19-ին արձագանքելու եւ տարածումը կանխելու համար»:

Կամբոջայում պաշտոնապես գրանցված է վիրուսով վարակման 1011 դեպք եւ համավարակի մեկնարկից ի վեր մահվան ոչ մի դեպք: Երկուշաբթի առողջապահության նախարարությունը հայտարարել է վարակի 24 նոր դեպքերի մասին:



Աղբյուր

Previous Story

«Ժողովուրդ»․ Բանակի հայտարարությանը չմիացած 4 բարձրաստիճան զինվորականներից մեկի՝ ԳՇ պետի տեղակալ Անդրանիկ Մակարյանի հրամանի պատճառով 60 հոգանոց զորքն անհետ կորել է — Լուրեր Հայաստանից

Next Story

«Իրավունք»․ Դեռ ճիշտ չէ կոալիցի­աների մասին խոսել, անհրաժեշտ է քայլ-քայլ առաջ գնալ ու արտահերթ ընտրություններ անցկացնելու շուրջ հա­մաձայնության գալ․ Մակունցը՝ ՔՊ-ԼՀԿ հնարավոր կոալիցիայի մասին — Լուրեր Հայաստանից

Go toTop